Tokante BES(t) 4 kids

BES(t) 4 kids ke ofresé akohida di mucha i akohida despues di skol di bon kalidat, seif i aksesibel pa tur mucha na Hulanda Karibense den 2022.

BES(t) 4 kids ta un kolaborashon entre e Entidatnan Públiko Boneiru, Sint Eustatius i Saba i e Ministerionan di SZW, OCW, VWS i BZK. E meta ta fortifikashon di tur akohida pa mucha i akohida despues di skol na Hulanda Karibense. E enfoke ta riba e kreashon di un ambiente seif i kariñoso pa mucha ku ta aksesibel pa tur mayor. Di moda ku kada mucha tin e chèns pa desaroyá su mes plenamente.

E sosionan di BES(t) 4 kids ta skohe pa koperashon i un aserkamentu komun. E Entidatnan Públiko ta desaroyá nan plannan den konsulta ku interesadonan  lokal. Gobièrnu Sentral ta sostené e islanan ku medionan finansiero i ekspertisio den elaborashon di e plannan.