Tokante BES(t) 4 kids

Struktura di Kuido Integral

Na Hulanda Karibense e Sentronan di Ekspertisio Kuido di Enseñansa (EOZ) ta sostené alumnonan ku ta kore riesgo di pega den enseñansa dor di problemanan di siñamentu òf komportashon. Ainda tin falta di un struktura di kuido komparabel pa muchanan den akohida di mucha i akohida despues di skol. Miéntras ku muchanan hóben ku un nesesidat di kuido òf edukashon spesial tambe ta meresé akohida bon i adekuá. Pa e motibu ei BES(t) 4 kids ta traha riba un struktura legal i integral di kuido pa e akohida di mucha, enseñansa i pa e fasilidatnan despues di skol.

eta ta pa den 2022 e organisashonnan di akohida di mucha i di fasilidatnan despues di skol traha huntu ku e skolnan i otro sosionan pa ofresé kada mucha e kuido ku e tin mester.

Ta sigui traha riba e struktura di atenshon edukativo manera e islanan konosé kaba. Dos punto di salida importante ta konta:

  • organisashonnan di akohida pa mucha i di fasilidatnan despues di skol ta kapas pa akohé i guia muchanan ku problemanan di desaroyo i/òf komportashon den nan propio organisashon (akohida inklusivo);
  • organisashonnan di akohida pa mucha i di fasilidatnan despues di skol por claim ekspertisio i fasilidatnan spesialisá pa muchanan ku tin mester di esei.

Antisipando riba e legislashon i regulashon ta hasi palabrashonnan entre e Entidatnan Públiko i e organisashonnan di akohida pa mucha, fasilidatnan despues di skol i enseñansa. Entidatnan Públiko di e manera ei por tuma medidanan na tempu pa sostené sierto grupo di mucha ku un nesesidat èkstra di sosten òf kuido.

Ta importante pa sosten i guia di mucha kuminsá den un fase tempran. Tur sosio den e kadena pues mester ta alerta riba señal di problemanan di siñamentu i komportashon. Ofisinanan di konsulta, organisashonnan di akohida, skolnan, sentronan di ekspertisio, GGD i sentronan pa hubentut i famia en prinsipio mester aktua inmediatamente si tin señalnan.

Mayornan tambe mester mira e importansia di stimulashon tempran di mucha i sòru pa nan yunan haña e yudansa adekuá si esei ta nesesario. Pa e motibu ei BES(t) 4 kids en kolaborashon ku UNICEF ke kuminsá un kampaña ku ta stimulá mayornan pa embolbí akohida i kuido di bon kalidat pa nan yunan. I pa kuminsá hopi tempran ku stimulashon di e desaroyo di nan yunan.