Regulashon Legal

Ta stipulá e reglanan básiko pa sentronan di mucha i pa ‘gastouder’ na Hulanda Karibense den un lei nobo. E elaborashon lokal di e lei ta tuma lugá den un Ordenansa Insular Akohida di mucha, pa asina por tene kuenta ku e sirkunstansianan partikular di e isla.

Ordenansa insular Akohida di mucha
Na e momentu akí ya tin un Ordenansa insular Akohida di mucha ku ta kontené hopi regla tokante kalidat di sentronan di mucha i ‘gastouder’. Tin tambe kaba un areglo di supsidio temporal pa akohida di mucha. Ku e supsidio akí un akohida di mucha por drecha e kalidat i baha e gastunan pa mayornan.

Ordenansa Insular Akohida di mucha Boneiru

Proposishon pa lei nobo
Den e proposishon pa e lei nobo ta ankra tur e reglanan pa kalidat pa un periodo largu. Banda di esei tin den e proposishon pará kon nos ta bai finansiá akohida di mucha den futuro, ora e areglo di supsidio temporal stòp. Ku tur esakinan nos ta garantisá akohida di mucha bon, seif i pagabel. Nos ta premirá ku e lei i regulashon struktural lo por drenta na vigor durante 2024 i 2025.

• Roadmap proposishon: Foyeto roadmap