Akademia di BES(t) 4 kids na KinderWijs TV
Komo profeshonal pedagógiko den akohida di mucha na Boneiru, Sint Eustatius i Saba, awor bo ta haña akseso grátis na Akademia di BES(t) 4 kids, ku :
- treinen ònlain ku bo por sigui ora ku ta kumbiní bo
- konosementu aktual tokante desaroyo i guia di mucha
- videonan inspirativo, tareanan práktiko i tepnan útil pa bo trabou
- prueba di partisipashon òf sertifikado pa kada treinen ku bo finalisá
Treinennan via akademia di BES(t) 4 kids
Na e akademia di BES(t) 4 kids tin 30 módulo di siña tokante tópikonan ku bo tin di haber kuné tur dia. Tira un bista riba e oferta kompleto den e guia di módulo (hulandes).
Tambe tin módulonan na papiamentu i ingles disponibel. Por ehèmpel tokante e siguiente tópikonan:
- Mucha i emoshonnan (durashon di estudio: 1 ora)
- Traha na e kuater metanan pedagógiko básiko (durashon di estudio: 4 ora)
- Sera konosí ku e seis abilidatnan di interakshon (durashon di estudio: 1 ora)
- Abilidat interaktivo: Abilidat pa reakshoná sensitivo (durashon di estudio: 3 ora)
- Abilidat interaktivo: Strukturá i pone límite (durashon di estudio: 3 ora)
- Kastigá i rekompensá (durashon di estudio: 1 ora)
- Opservá den akohida di mucha (durashon di estudio: 2 ora)
Kada seis luna ta añadí módulonan tradusí nobo.
Bo ke partisipá?
Manda un meil pa best4kids@rijksdienstcn.com. Duna e nòmber di bo akohida di mucha, i e siguiente datonan:
- nòmber di dilanti
- fam
- adrès di meil (bo por usa un kòmpiuter òf lèptop pa e treinennan ònlain)
- idioma di preferensia (hulandes, papiamentu, ingles).
Bo ta registrá mas ku tres (3) kolaboradó pedagógiko? Usa e formulario den Excel e ora ei. Denter di dos siman, bo lo risibí un meil ku informashon pa log in i un manual.
Bo ke registrá empleadónan pedagógiko?
PASO 1: Skohe kua kolaboradó por partisipá
Determiná kua kolaboradó pedagógiko ta haña un abono grátis riba e akademia di BES(t) 4 kids di KinderWijs TV. Nos ta konsehá e siguiente kriterionan di selekshon:
- E kolaboradó tin trabou fiho serka bo organisashon òf tin un periodo basta largu ta traha einan kaba.
- E kolaboradó tin minimalmente nivel mbo-2 (e módulonan online no ta remplasá un estudio mbo, sino ta kompletá esaki!).
- E kolaboradó ke sigui e treinennan ònlain, òf boso ta kumbiní esaki huntu.
- E kolaboradó tin un adrès di meil i por usa un kòmpiuter òf lèptop (ta posibel pa sigui e módulonan riba un telefòn selular tambe, pero un kòmpiuter òf un lèptop ta traha mihó).
PASO 2: Registrá bo kolaboradó(nan)
Manda un meil pa best4kids@rijksdienstcn.com. Duna e nòmber di bo akohida di mucha, i e siguiente datonan di kada kolaboradó:
- nòmber di dilanti
- fam
- adrès di meil
- idioma di preferensia (hulandes, papiamentu, ingles).
Bo ta registrá mas ku tres (3) kolaboradó? Usa e formulario den Excel e ora ei. Denter di dos siman, bo kolaboradónan lo risibí un meil ku informashon pa log in i un manual.
PASO 3: Stimulá bo kolaboradó(nan) pa sigui e módulonan.
Bo por yuda bo kolaboradó(nan) pa sigui e treinennan. Algun tep:
- Huntu ku bo kolaboradó(nan), skohe tres (3) módulo pa kuminsá kuné.
- Hasi palabrashonnan kla tokante ki ora i kon ta bai sigui e módulonan.
- Despues, diskutí e módulonan huntu den e tim. Por ehèmpel:
- Kon boso a haña e módulo?
- Kiko boso a siña?
- Tin algu ku nos por mehorá den nos trabou òf den nos akohida?
Bo tin pregunta?
Tuma kontakto ku e embahador di siñamentu di BES(t) 4 kids: