Ora ku un mucha pasa di akohida di mucha pa skol básiko, si mayornan ta di akuerdo – un kombersashon orientativo pa traspaso ta tuma lugá. Un kombersashon orientativo ta un kombersashon entre un empleado di e akohida di mucha, e maestro/a di e skol básiko i mayornan di e mucha (si esei ta posibel).
Un traspaso personal ta yuda pa hasi e kambio di akohida pa skol básiko mas fásil i ta sostené desaroyo di e mucha

Durante e kombersashon ta konta loke ta importante tokante kon e mucha ta desaroyá, por ehèmpel riba tereno di idioma, matemátika, motóriko (movementu) i abilidatnan sosial i emoshonal. Den e kombersashon bo por usa un formulario di traspaso. Komo preferensia bo por usa un formulario ku ta kuadra ku e método di edukashon pre-eskolar ku bo ta usa na e lokalidat. Pa Boneiru ainda ta traha riba un formulario di traspaso ku ta kuadra ku e programa di edukashon pre-eskolar lokal ku ta desaroyando aktualmente. Tambe bo por hasi uso di e ehèmpel den e anekso. Ku e informashon aki e skol básiko por duna e yu un bon akohida i guia.

Bo tin pregunta tokante e uso (di e) formulario òf bo tin mester di yudansa pa yena esaki? E ora ei bo por pasa serka e coach pedagógiko òf e mènedjer di bo lokalidat.