Den e módulo aki bo ta sera konosí ku e seis abilidatnan di interakshon ku ta nesesario pa sostené i stimulá desaroyo di mucha: reakshon sensitivo, rèspèt pa outonomia, strukturá i pone límite, papia i splika, stimulá desaroyo, i guia di interakshon. Den e módulo aki, ku yudansa di teoria, video, i tarea, bo ta siña:

• Apliká e seis abilidatnan di interakshon konkretamente.
• E konekshon ku e metanan básiko di akohida di mucha.
• Kon interakshonnan tin influensia riba e serebro i riba laso.
• Anda konsientemente ku idioma, tono, i aktitut.
• Rekonosé e propio preferensianan i varia e aserkamentunan.

Bo ta haña un bista general kla i guianan práktiko pa trein ku e abilidatnan di interakshon. Bo ke bai mas den profundidat? Den e kaso ei, tambe tin módulonan apart di profundisashon disponibel pa kada abilidat di interakshon (na hulandes). Na 2026 i 2027 lo hasi esakinan disponibel na papiamentu i ingles, tambe.

Entrante aprel 2026, e módulo pa siña ònlain aki ta disponibel na hulandes, papiamentu i ingles den e Akademia di BES(t) kids na KinderWijs TV. Lesa mas tokante e akademia ònlain aki i kon pa aboná aki.