Emoshonnan ta un parti importante di desaroyo di mucha. Nan ta bisa algu tokante nesesidatnan, límitenan, estímulonan i eksperensianan. Komo ku serebro di mucha ainda ta kresiendo full swing, nan emoshonnan por parse violento òf impredisibel, pero ku konosementu di e kuater emoshonnan básiko i funshonamentu di e serebro, ta bira mas fásil pa komprondé nan komportashon. Den e módulo aki bo ta siña tokante:

• Pakiko emoshonnan ta útil i nesesario.
• Kon emoshonnan ta traha den e serebro.
• Kon bo ta sostené muchanan ku nan emoshonnan.
• Kiko ta mihó pa hasi (i kiko mihó pa no hasi) pa yuda muchanan dil ku nan emoshonnan.
• Pakiko ta importante pa sòru bon pa bo mes emoshonnan.
• Den e módulo aki bo ta haña guianan práktiko ku ta yuda ku emoshonnan di kada dia. Bo propio regulashon di emoshon tin un papel importante ku esei: di pursi, muchanan ta siña di bo ehèmpel.

Entrante aprel 2026, e módulo pa siña ònlain aki ta disponibel na hulandes, papiamentu i ingles den e Akademia di BES(t) kids na KinderWijs TV. Lesa mas tokante e akademia ònlain aki i kon pa aboná aki.