Kada sentro di mucha mester tin un manera kla pa atendé ku keho di mayor. P’esei mester inkluí e prosedura di keho den e plan di maneho pedagógiko i edukativo i komuniká esaki aktivamente ku mayornan (por ehèmpel dor di pone esaki komo anekso serka e kontrakt di akohida di mucha, i kologá esaki bon visibel den e lokalidat di akohida di mucha).

Den e format aki bo ta haña un deskripshon di kon bo por atendé ku keho den bo sentro di mucha. A skibi e teksto di tal manera ku bo por kopia esaki komo e prosedura di keho di bo organisashon. Naturalmente bo ta liber tambe pa kambia e teksto si e prosedura di keho ta funshoná diferente den bo sentro di mucha.

Den e prosedura di keho ta deskribí ku ta registrá keho i remarke via e formulario registrashon di keho. E formulario ei bo por haña aki.