• Un akohida di mucha na tur mester tin por lo ménos 3 meter kuadrá di espasio pa hunga pa kada mucha presente.
• Un akohida despues di skol te promé di yanüari 2031 mester tin por lo ménos 2,5 meter kuadrá di espasio pa hunga pa kada mucha (for di 2031, esaki ta bira 3 meter kuadrá).
• Kada grupo fiho di mucha den e akohida di mucha (stamgroep) tin su propio espasio di grupo.
• Ora ekipá un otro espasio komo espasio pa hunga, ta repartí e espasio aki proporshonalmente entre e gruponan i inkluí esaki den e kantidat total di meter kuadrá di espasio paden.
• Bebinan te 1 aña i mei mester tin un espasio di drumi apart ku sufisiente kamanan fiho pa e kantidat di bebi i bon ventilashon. Mucha riba 1 aña i mei mester tin un espasio pa deskansá, pero esaki por ta den otro espasio tambe, ku uso di kòt.
• Un espasio di drumi solamente ta konta komo un espasio pa hunga tambe ora no tin kamanan fiho den dje, i e muchanan berdaderamente por hunga einan tambe.
• E espasio paden mester ta bon ventilá, di moda ku e aire ta keda saludabel.

*Pa gastouder ta konta ku e espasionan paden i pafó mester ta seif, aksesibel, i ekipá di forma adekuá pa e kantidat di mucha i e edat di e muchanan. Ademas lo siguiente ta konta:

• Espasionan paden mester ta bon ventilá i mester tin aire saludabel.
• Mester tin sufisiente espasio pa hunga i drumi. Pa mucha te 1 aña i mei mester tin un espasio di drumi apart.
• Pafó mester tin sufisiente posibilidat pa hunga, adekuá pa e edat i e kantidat di mucha.

• E akohida mester tin minimalmente 3 meter kuadrá di espasio pa hunga pafó pa kada mucha presente. Esaki ta konta tantu pa akohida di mucha komo akohida despues di skol.
• E espasio pa hunga pafó tin sombra i ta pegá ku e edifisio di e akohida di mucha.
• Si e espasio pafó no ta situá direktamente banda di e edifisio, esaki mester ta serka, seif, i fásilmente alkansabel pa e muchanan.

*Pa gastouder ta konta ku e espasionan pafó mester ta seif, aksesibel, i ekipá di forma adekuá. Pafó mester tin sufisiente posibilidat pa hunga, adekuá pa e edat i e kantidat di mucha.

• Un pòrch òf patio por konta komo un espasio paden pa hunga, te maksimalmente 18 meter kuadrá, ora:
  • E ta direktamente pegá na e edifisio.
  • Su konstrukshon ta fuerte i e tin un flur duru (pues no yerba òf santu).
  • E tin waya tur rònt i e ta bou di un dak.
• E pòrch no ta kumpli ku e reglanan aki, pero sí na e reglanan pa espasio pafó? E ora ei e ta konta komo un espasio pa hunga pafó.
• Un pòrch no por ta un espasio di grupo apart. Por usa e pòrch solamente komo ekstenshon di un espasio paden pa un grupo.

Un espasio bon ekipá paden i pafó direktamente ta kontribuí na siñamentu i desaroyo di mucha:

• E espasionan pa hunga ta ekipá di forma atraktivo ku skinanan di hunga variá i materialnan ku ta invitá pa hunga, deskubrí i siña. Tambe tin espasio pa sosegá i chill.
• E interior ta sinkronisá ku e edat i e fase di desaroyo di e muchanan.
• E interior ta stimulá desaroyo di idioma, matemátika, abilidatnan motóriko i kresementu sosial i emoshonal.
• E ambiente ta riku na idioma. E alrededor di hunga i siña ta kontené posibilidatnan amplio pa bini den kontakto ku idioma, manera buki, prenchi, karchi di palabra, material pa skibi i labelnan riba e materialnan. Esaki ta yuda mucha pa usa idioma aktivamente i sigui desaroyá esaki.