Akohida di mucha i akohida despues di skol di kalidat i responsabel ta di gran importansia. E muchanan mester sinti nan seif i haña e espasio pa desaroyá nan mes. P’esei tin eksigensia di kalidat fiha den legislashon i regulashon. Tur e eksigensianan di kalidat ku ta na vigor for di promé di yanüari 2026 bo por haña riba e páginanan aki.

Tin biaha, tin otro reglanan na vigor pa gastouder ku pa sentro di mucha. Den e kaso ei bo ta mira un * na e título. E informashon pa gastouder e ora ei ta pará abou den e paragraf.

Tur ofresedónan di akohida di mucha i akohida despues di skol mester tene nan mes na e reglanan. Eseinan ta loke ta sòru pa e akohida ta un lugá agradabel i seif pa mucha. Un lugá kaminda muchanan por siña rekreando i krese. I ku ta sigui ta pagabel pa tur mayor.

Sosten
E Entidat Públiko huntu ku partnernan lokal ta sostené e organisashonnan di akohida di mucha ku mehorashon di e kalidat. Inspekshon di Enseñansa ta kontrolá huntu ku inspektornan lokal si ta kumpli ku e reglanan di kalidat. I e Unidat SZW di RCN ta paga un parti grandi di e kosto pa akohida di mucha.

Di e manera aki huntu nos ta sòru pa akohida bon, seif i aksesibel pa muchanan na Boneiru, Sint Eustatius i Saba.