Mayornan Boneiru

Mayornan ta liber pa inskribí nan yu(nan) na e sentro di akohida di mucha òf serka e gastouder di nan preferensia. Si mayornan, despues di diferente intento, no por haña un lugá pa akohida di mucha, nan por mèldu nan mes na Sentro Akseso, Tim Kalidat Akohida di Mucha.

Tur regla di kalidat ku ta na vigor pa akohida di mucha na Hulanda Karibense bo ta haña a traves di e página di wèp Eksigensianan di kalidat.

Inspekshon di Enseñansa ta kontrolá si e akohida di mucha ta tene su mes na e reglanan di kalidat stipulá den lei i regulashon pa akohida di mucha. Esaki nos ta yama supervisá. Inspekshon ta hasi esaki huntu ku e inspektornan di entidat públiko di e isla. E inspektornan ta wak si e akohida ta bon pa e muchanan. Si algu por mihó, e akohida di mucha ta haña tempu pa drecha esei. Pero si salubridat òf siguridat di e muchanan ta na peliger, mester drecha esei mesora. Inspekshon ta duna e ora ei enkargo pa koregí esei rápidamente. Si ta algu serio, inspekshon por disidí pa sera un akohida temporalmente.

Tur aña kada akohida di mucha ta risibí un rapòrt di inspekshon. De dje tin pará kiko ta bai bon i kiko por mihó. E akohida ta hasi uzo di e rapòrt akí pa sigui drecha kalidat. Ta publiká e rapòrt di inspekshon. Pues abo mes por les’é si bo ta deseá esei. Despues di e investigashon di inspekshon na 2026, por haña esaki riba e wèpsait di bo akohida di mucha. Bo akohida no tin un wèpsait? E ora ei e rapòrt ta poné na un sitio kaminda bo por wak e fásilmente. Bo por haña e rapòrt tambe riba www.toezichtresultaten.onderwijsinspectie.nl

Bo akohida di mucha kier garantisá huntu ku bo, ku bo yu ta risibí e mihó oportunidatnan pa desaroyá su mes bon. P’esei bo akohida di mucha ta informá bo tokante asuntunan importante, manera:

• Kua grupo bo yu ta den i ken ta e kolaboradó fiho òf mentor di bo yu;
• Kon ta bayendo ku desaroyo di bo yu;
• Kua ayudo òf apoyo èkstra bo yu ta risibí si esei ta nesesario;
• Kiko abo por hasi na kas pa yuda bo yu mas, por ehèmpel dor di lesa na bos haltu p’e (mas frekuentemente), kanta òf hunga wega huntu;
• Kua maneho e akohida tin, manera tokante siguridat, salubridat, edukashon i siñamentu;
• E rapòrt di inspekshon. Despues di e investigashon di inspekshon na 2026, por haña esaki riba e wèpsait di bo akohida di mucha. Bo akohida no tin un wèpsait? E ora ei e rapòrt ta poné na un sitio kaminda bo por wak e fásilmente.

Akohida di mucha ku mas di 50 mucha mester tin un komishon di mayor tambe. E grupo di mayor akí ta yuda pensa tokante e akohida i ta duna por ehèmpel konseho tokante maneho pedagógiko, alimento, siguridat i salubridat, orarionan ku ta habrí i areglo di keho.

Bo tin pregunta òf keho tokante e akohida di mucha di bo yu? E ora ei ta mihó bo tuma kontakto promé ku bo akohida di mucha. Un sentro di akohida di mucha hopi biaha tin un prosedura di keho pa keho tokante e kontrakt di akohida di mucha òf tokante komportashon di e doño òf kolaboradónan.

Si bo ta deseá konseho òf intermediashon ora tin keho, òf si bo akohida di mucha nenga bo yu òf terminá e kontrakt, bo por akudí na Sentro Akseso (717 7300) pa konseho.

Si bo tin preokupashon serio tokante kalidat di e akohida di mucha di bo yu, òf si tin asuntu di un situashon insigur i insaludabel den bo akohida di mucha? E ora ei bo por mèldu esaki serka inspekshon, dor di manda un meil na kinderopvangcn@owinsp.nl.

Komo mayor bo ta hasi palabrashonnan kla ku e akohida di mucha tokante akohida di bo yu. Por ehèmpel tokante kua dianan bo yu ta bai e akohida i si bo kier hasi èkstra uzo di akohida despues di skol, durante fakansi eskolar i dianan liber di enseñansa. Mester pone e palabrashonnan akí riba papel den un kontrakt. Ta importante pa bo presentá e datonan korekto i firma e kontrakt. Si bo no hasi esei, e ora ei bo akohida di mucha no ta risibí kompensashon di gobièrnu i abo mes mester paga e akohida kompletamente.

Si un akohida di mucha ta risibí kompensashon pa akohida di mucha di gobièrnu, mayornan ta paga un kontribushon di mayor mas abou. Na 2026 mayornan na Boneiru ta paga 100 dòler pa luna pa 5 dia di akohida pa siman (akohida di mucha i akohida despues di skol).

Entrante 2027 e kontribushon di mayor ta 4 porshento di e gastunan total di akohida di mucha. Esei ta nifiká ku e kontribushon di mayor ta baha.

Bo ta hasi uzo ménos ku 5 dia di akohida pa siman, bo ta paga ménos e ora ei. E kontribushon di mayor ta 20 porshento di e suma máksimo pa dia. E kantidat di parti di dia eksakto mester ta pará den e kontrakt di akohida di mucha.

Mas informashon tokante finansiamentu: www.rijksdienstcn.com/akohidadimucha.

Bo akohida di mucha kier garantisá huntu ku bo, ku bo yu ta risibí e mihó oportunidatnan pa desaroyá su mes bon. P’esei bo akohida di mucha ta informá bo tokante asuntunan importante, manera:

• Kua grupo bo yu ta den i ken ta e kolaboradó fiho òf mentor di bo yu;
• Kon ta bayendo ku desaroyo di bo yu;
• Kua ayudo òf apoyo èkstra bo yu ta risibí si esei ta nesesario;
• Kiko abo por hasi na kas pa yuda bo yu mas, por ehèmpel dor di lesa na bos haltu p’e (mas frekuentemente), kanta òf hunga wega huntu;
• Kua maneho e akohida tin, manera tokante siguridat, salubridat, edukashon i siñamentu;
• E rapòrt di inspekshon. Despues di e investigashon di inspekshon na 2026, por haña esaki riba e wèpsait di bo akohida di mucha. BoInformashon tokante finansiamentu di akohida di mucha bo ta haña riba e wèpsait www.rijksdienstcn.com/kinderopvang.

Bo tin pregunta tokante bo kontrakt di akohida di mucha, fakturanan pa e kontribushon di mayor òf tokante otro asuntunan finansiero di bo akohida di mucha, e ora ei bo mester konsultá al respekto ku bo propio akohida di mucha. Tambe bo sentro di akohida di mucha probablemente tin un prosedura di keho, ku bo por hasi uzo di dje.

Si bo ta deseá konseho òf intermediashon ora tin keho, òf si bo akohida di mucha nenga bo yu òf terminá e kontrakt, bo por akudí na Sentro Akseso (717 7300) pa konseho.

Mayornan ku no por paga e kontribushon di mayor, por pidi kompensashon òf supsidio pa lugá na akohida serka entidat públiko, direktorado Komunidat i Kuido, Kaya Neerlandia 41. Wak pa e orarionan di trabou i orarionan di konsulta riba www.bonairegov.com.

Entidat públiko ta stipulá ken tin derecho riba e supsidio akí, por ehèmpel e ta dependé di bo entrada. Si aprobá e petishon, entidat públiko ta paga e kontribushon di mayor direktamente na e akohida di mucha. Komo mayor bo mes ta responsabel pa pidi e supsidio pa lugá na akohida kada aña, si esei ta nesesario. Bo mester informá entidat públiko di kambionan den bo situashon finansiero tambe.

Un akohida di mucha por nenga bo yu solamente den e kasonan akí:

• No tin lugá pa bo yu, segun e pèrmit òf reglanan (por ehèmpel e kantidat di mucha pa kolaboradó òf espasio disponibel).
• E akohida no por sostené bo yu adekuadamente, di manera ku no por kuida bo yu òf otro muchanan na un manera sigur òf bon.
• E akohida no ta pidi nada di kompensashon pa akohida di mucha di gobièrnu, ni pa otro mucha tampoko.
• A para bo kontrakt di akohida den e último 6 lunanan, debí na por lo ménos 3 luna di pago di kontribushon di mayor atrasá.

Si un akohida di mucha nenga bo yu òf stòp e kontrakt, bo por haña konseho i intermediashon via Sentro Akseso (717 7300).