Akohida di mucha

Gobièrnu sentral huntu e entidatnan públiko Boneiru, Sint Eustatius i Saba a formulá un konsepto di Ordenansa Insular Akohida di mucha. Kolegio Ehekutivo di Boneiru a presentá e konsepto di ordenansa insular na Konseho Insular. Konseho Insular a aprobá e ordenansa insular riba 7 di yüli 2020.

Download e konsepto di Ordenansa insular Akohida di mucha Boneiru (na Hulandes)

For di e momentu ku e ordenansa insular a drenta na vigor, tur organisashon di akohida mester tin un pèrmit di operashon. E eksigensianan di kalidat ku e organisashonnan di akohida mester kumpli kuné ta trata entre otro e plan di maneho pedagógiko, nivel di formashon, e asina yamá ‘stamgroepen’ den e sentronan di akohida di mucha i e kantidat di trahadó profeshonal ku ta apliká pa ‘stamgroep’. E alohamentu tambe mester kumpli ku e eksigensianan básiko di seguridat i salubridat.

Download e foyeto Eksigensianan di kalidat Akohida di mucha

Organisashonnan nobo i eksistente pa akohida di mucha i fasilidatnan di akohida pafó di skol tin mester di un pèrmit di operashon. Pa organisashonnan eksistente a stipulá un periodo transitorio: nan por haña un dispensashon temporal. E petishon pa pèrmit na Boneiru ta kana via OLB i mester entregá esaki por eskrito serka Kolegio Ehekutivo. E petishon ta kontené en todo kaso:

  • Kopia di pèrmit di establesimentu
  • Si ta un kompania di un persona (eenmanszaak): nòmber, adrès, number di telefòn, komprobante di inskripshon na Kámara di Komersio no mas ku 3 luna bieu
  • Si ta un persona hurídiko: nòmber-, adrès-, fecha di nasementu di miembronan di direktiva/gerensia, kopia di statutonan, komprobante di inskripshon na Kámara di Komersio no mas ku tres luna bieu i, si ta aplikabel, kopia di registro di akshon
  • Komprobante di inskripshon di petishonario i kolaboradónan den registro sivil i kopia di e título di estadia i/òf pèrmit di estadia
  • Un deklarashon tokante kondukta (VOG) di petishonario i profeshonalnan no mas ku dos luna bieu
  • Máksimo kantidat di mucha i edat pa kada parti di dia
  • Máksimo kantidat di profeshonal pa kada parti di dia
  • Orarionan ku ta habri i sera
  • E adrès (ku tin intenshon di bai usa)
  • Plan di maneho pedagógiko di e sentro di mucha
  • Plan den fase violensia doméstiko sentro di mucha
  • Maneho di siguridat i salubridat sentro di mucha
  • Un mapa
  • Komprobante di pago di leges

E prosedura di petishon ta dura promedio dos luna for di e momentu ku tur dokumento relevante ta entregá. E petishonario ta risibí un konfirmashon por eskrito ku informashon tokante e siguiente pasonan. Den kaso ku e petishon ta kompleto, Kolegio Ehekutivo ta pidi konseho denter di dos siman serka e komishon di kalidat di akohida di mucha. Denter di kuater siman e komishon di kalidat ta duna konseho na Kolegio Ehekutivo. Despues Kolegio Ehekutivo ta tuma un desishon denter di dos siman. Por prolongá e términonan akí ku maksimal dos siman.

Si e petishon no ta kumpli ku tur e eksigensianan, e petishonario e ora ei ta haña 4 siman di tempu pa drecha e kosnan ku falta.

Organisashon pa akohida di mucha i akohida despues di skol na Boneiru por bin na remarke pa un supsidio (promé di 1 yüli 2021) pa baha preis di kosto. Ku e supsidio un organisashon di akohida di mucha por baha e kontribushon di mayor pa mayornan i tuma medidanan pa mehorá kalidat di e akohida.
Organisashonnan di akohida di mucha por entregá un petishon pa supsidio serka ‘Uitvoering van Beleid’ (UVB). Nan ta risibí sosten den esei di parti di e ‘frontoffice’ ku a instituí pa esaki na OLB.

Altura di e supsidio pa baha preis di kosto (entrante promé di 1 yüli 2022)
Pa tur organisashon di akohida di mucha na Boneiru e supsidio pa baha preis di kosto ta suma maksimal $ 340,- pa mucha pa luna pa pasadia i maksimal $ 280,- pa mucha pa luna pa akohida despues di skol.

Pa ‘gastouder’ na Boneiru e supsidio pa baha preis di kosto ta suma maksimal $ 215,- pa mucha pa luna pa pasadia i pa akohida despues di skol.

Altura di e kontribushon di mayor
Si bo organisashon ta risibí e supsidio pa baha preis di kosto, tin un kontribushon di mayor máksimo i mínimo na vigor:

  • E kontribushon di mayor no mag ta mas haltu ku $ 125,- pa luna. Pa ‘gastouder’ ku ta ofresé pasadia, e kontribushon di mayor maksimal ta $ 100,-.
  • E kontribushon di mayor no mag ta mas abou ku $ 100,- pa luna pa pasadia i $ 50,- pa luna pa akohida despues di skol.

Algun organisashon di akohida di mucha ku ya tin un relashon di supsidio ku OLB por kobra un kontribushon di mayor mas abou ku pèrmit di OLB.

Mayornan ku no por paga e kontribushon di mayor, por pidi un supsidio pa un lugá na e akohida na OLB.

Mas informashon?
E areglo di supsidio temporal bo ta haña akí:

Pregunta i kontesta tokante oumento di supsidio kuminsando promé di 1 yüli 2022: Q&A

Supervishon riba kalidat di akohida di mucha i akohida pafó di skol ta tarea di Inspekshon di Enseñansa. Inspekshon por laga un inspektor lokal ehekutá parti di e supervishon . Inspektornan por pasa na e sentronan di akohida di mucha ku òf sin aviso previo. Unda ta nesesario nan ta duna konseho na e organisashon di akohida.

Ora tin puntonan di mehorashon inspekshon lo bishitá e organisashon atrobe denter di e tempu palabrá pa wak si a ehekutá e puntonan di mehorashon. Ora tin puntonan serio, inspekshon por duna un konseho negativo. Un konseho negativo por kondusí na medidanan òf siere (temporal).

OLB ta traha estrecho ku MBO Boneiru pa forma kolaboradónan pedagógiko konforme e eksigensianan di kalidat di e ordenansa insular. Kolaboradónan por mèldu nan mes, den konsulta ku e dunadó di trabou, direktamente serka MBO Bonaire.

Pa medio di ‘pèrdida di suèldu’ (loonverlet) organisashonnan di akohida por bin na remarke pa un kompensashon den e gastunan di sustitushon di kolaboradónan ku ta partisipá na un kurso di BBL. Di e forma akí por regla sustitushon pa e oranan ku un kolaboradó ta asistí na e kurso durante dia. Mester entregá e petishon pa pèrdida di suèldu serka OLB, Direktorado Komunidat i Kuido, sekshon Edukashon i Bienestar.

Pa doñonan di sentronan di akohida di mucha ku ta sigui kurso, tin ‘instruktornan ambulante’. Por hasi un apelashon riba un instruktor ambulante ora e doño òf un kolaboradó pedagógiko di un akohida di mucha ta sigui un estudio pa kolaboradó pedagógiko riba nivel 2, 3 òf 4. Den e kaso ei ta kore stazje den e organisashon mes ku guia eksterno. E gastunan di e instruktor ambulante ta ser pagá for di BES(t) 4 kids. Direktorado Komunidat i Kuido di OLB den kooperashon ku MBO Boneiru ta pone e instruktornan disponibel.

OLB ta haña importante ku tur organisashon ta traha a base di e mes metódiko pedagógiko: Kaleidoscoop. Na komienso di sèptèmber 2019 un grupo di 10 partisipante a start ku e kurso di ‘train-de-trainers’. Despues di finalisá esaki nan ta trainer di Kaleidoscoop.

Banda di esei por sigui kurso- i treininnan ku ta ofresé a base di e programa BES(t) 4 kids na Boneiru. Asina 10 profeshonal di akohida pa mucha i akohida pafó di skol a tuma parti na un tayer di ‘Conscious Discipline’. E programa akí ta orientá riba edukashon positivo konsiente, tantu di parti di mayor, akohida di mucha i skol.

Pakete di kresementu kondishonnan laboral
Hopi empleado pedagógiko ta sigui un entrenamentu pa kumpli ku e eksigensianan di formashon den akohida di mucha. Esei ta bon pa e kalidat. E programa BES(t) 4 kids kier stimulá tambe pa empleado pedagógiko risibí un pago ku ta kuadra ku e nivel di formashon i e trabou importante ku nan ta hasi. P’esei BES(t) 4 kids ta introdusí un ‘pakete di kresementu kondishonnan laboral’, ku entre otro salario ku kier yega na dje pa empleado pedagógiko. Intenshon ta pa e empleadonan krese yega einan den algun stap.

Ta keda na e dunadó di trabou pa determiná kon i na ki momentu lo por ahustá salario di un empleado pedagógiko. Esei ta dependé di e situashon finansiero di e organisashon. Ta konsehá pa hasi esaki paso pa paso, di manera ku empleado pedagógiko denter di algun aña ta risibí e salario mínimo konforme e pakete di kresementu.

E siguiente liñanan di guia ta konta komo konseho:

Orario di labor: 40 ora pa siman pa trabou fultaim.
Durashon di un siman di trabou normal ta maksimal 40 ora. Dunadó di trabou i trahadó por palabrá un durashon laboral mas kòrtiku.

Kantidat di dianan di fakansi: minimal 15 (= mínimo legal)
Ta keda na dunadó di trabou i empleado pa determiná kon ta atendé ku dianan liber kolektivo pa medio di seramentu durante fakansi i riba dianan liber speshal riba e isla.

Klasifikashon funshon klave
E salario di un empleado ku tin di aber direktamente ku akohida di mucha, tin relashon ku e nivel di formashon. E tabèl ta kontené un klasifikashon di funshon provishonal ku e montante ku kier yega na dje pa e salario mínimo pa kada funshon. Den e Ordenansa Insular Akohida di Mucha a inkluí e kualifikashonnan ku empleado pedagógiko mester kumpli kuné finalmente, pa por para dilanti di un grupo.

Funshon

Eksigensia di nivel di formashon minimal

Salario minimal ku kier yega na dje Boneiru2

Asistente

 1.100
Empleado
Pedagógiko A

MBO2, CVQ21.254
Empleado
Pedagógiko B

MBO3, CVQ31.430
Empleado
Pedagógiko C

MBO4, CVQ41.630
Lider di Tim/coachHBO2.118

2 Pa un siman di trabou di 40 ora i 15 dia di fakansi.

Pa demas personal (di sosten, gerensia) pa awor no ta proponé salario mínimo. Esei por palabrá despues, por ehèmpel durante negosiashon pa un kontrato kolektivo laboral (CAO).

Struktura salarial provishonal
E montantenan ku kier yega na dje pa e salario mínimo pa kada funshon ta saká for di e struktura salarial provishonal. E struktura salarial akí ta basá riba un investigashon riba enkargo di BES(t) 4 kids, ku Deloitte Caribbean a hasi. Por haña e skalnan salarial kompleto pa kada funshon wak aki.

Akohida pa mucha i akohida pafó di skol, segun e eksigensianan di kalidat den e ordenansa, mester ta safe alohá tambe. P’esaki ta desaroyá un plan di alohamentu. Ta inventarisá alohamentu di tur organisashon di akohida. A base di esaki ta wak kua mehorashon ta nesesario pa kada organisashon di akohida. Si ta nesesario ta sostené e organisashonnan den esaki.